امیر المؤمنین حضرت عمر فاروق رضی اللہ تعالیٰ عنہ کے دور ِخلافت میں ایک مرتبہ اچانک ایک پہاڑ کے غار سے ایک بہت ہی خطرناک آگ نمودار ہوئی جس نے آس پاس کی تمام چیزوں کو جلا کر راکھ کا ڈھیر بنا دیا۔جب لوگوں نے دربارِ خلافت میں فریاد کی تو امیر المؤمنین نے حضرت تمیم داری رضی اللہ تعالیٰ عنہ کو اپنی چادر مبارک عطا فرمائی اور ارشاد فرمایا کہ تم میری چادر لے کر آگ کے پاس چلے جائو۔چنانچہ حضرت تمیم داری رضی اللہ تعالیٰ عنہ اس مقدس چادر کو لے کر روانہ ہو گئے جیسے ہی آگ کے قریب پہنچے ‘ یکایک وہ آگ بجھنے اور پیچھے ہٹنے لگی‘ یہاں تک کہ وہ غار کے اندر چلی گئی اور جب یہ چادر لے کر غار کے اندر داخل ہوگئے تو وہ آگ بالکل ہی بجھ گئی اور پھر کبھی ظاہر نہیں ہوئی۔(ازالۃ الخفاءمقصد‘کرامات صحابہؓ)